سيدي وستي بقلم الشاعرة رشا الجندي
العنوان بيتنا القديم
شعر عاميه
خاص بالمسابقه
سيدي وستي كانو حوليا
والبركة كانت مالية الدار
في السحور تيجي تصحينا
أصحا وقوم وبلاش أعذار
صلي واشكر ديما ربك
تحس البركة في الإفطار
أيام جميلة قرضها الزمن
والبركه قلت ياه علي القدر
سيدي وستي في حضن تراب
وأيامنا صبحت حلم سراب
لا بركة دامت ولا أحباب
والحزن جاي يدق الباب
وبيتنا الكبير حزن ع اللي مات
وكل حيطه فيه تحكي ذكريات
هنا كنا نفرح بالعيد والبلونات
دلوقتي بس يابت اسكت يا واد
والكل قاعد مع نفسه
بيحكي في التليفونات
وانسي يا عم واجبك
وبلاها الزيارات
ما الكل ملهي في نته
ومقضيها ع الكافيهات
الله يرحم أيامنا
كان فيها دفا وحنين
دلوقتي مات الحب
القلب عايش حزين
ياه ياقلبي من فرحت
من زمن فات
كل ما أعوز أفرح
أفتش في بيتنا القديم
عن كل حبه شوق وحنين
في مجلس بيتنا القديم
تعليقات
إرسال تعليق