قاعد ولا همه بقلم الشاعرة رشا الجندي
قاعد ولا همه
عل النت بيدردش
مستخسر كلمه فيا
وسايبني أنفخ وأفش
فالح بس عايز ياكل
لحد ما ربى كرش
يزعق وينام شويه
عشان يسهر للدش
ويا أصحابه السناكيح
وأنا مرارتي هتتحش
يا ناس فاقده الحنية
ليلي ونهاري مهاتية
أنادي عليه ما يسمع
ولا داري حتى بيه
أعمل ايه أنا كمان
دا بروده عملي جنان
شغلي وعيالي هدوني
يعني أمسك نت كمان
أعمل ايه دلوني
وحدة وإهمال ياعيوني
ولو قولت حقي فين
كل الناس يلوموني
وهو شاته حنيه
مليان بديه وديه
أقوله أضحك معايا
يقول فصلت منك يا عنيا
طيب قولي لسه بحبك
وسمعني كلام حنيه
يبص فيا ويبحلق
كفايا نكدك يا ولية
بالذمة دي سحنة تتحب
ارحمي نفسك شوية
يعني هما فيهم أيه
حلو مش فيا
حرام عليك يارجل
عيشتني في مر واسية
أعمل فيك إيه تاني
غلبت مساسية وملاغية
لكن البعيد مبيحسش
اني ست وهو كل حياتي
لكن نقول ايه للناس عديمه
الشوق والحب والحنيه
ياعطف بنادي عليك
تديني شويه صبر
وقويني علي عشتي
وحياتي المره ديه
ياعطف بنادي عليك
تديني شويه صبر
وقويني علي عشتي
تعليقات
إرسال تعليق