كتبت الشاعره رشا الجندي/جوه بيتنا
الامان كان جوه بيتنا
مدفي فرشتنا وقلوبنا
ساتر عيشنا وملحلنا
كفينا خيرنا شرنا
بنشرب من شوقنا لبعضنا
بنفرح والفرحه تلمنا
علي صحبه حلوه تضمنا
جوه بيتنا شوفنا
الحنان والطيبه
والعيشة كانت بسطيه
ناكل ونشبع حتي لو كانت
اللحمه خفية
عيش بفول او فلافل
اوحتي جبنه قديمه
وسط لمه الجيران
والناس العفيفه
وفي وسط ركيه المنقد
نعمل شاي علي المزاج
ونشرب
وكل واحد يجي الدور عليه
بنكه حلوه ولطيفه
مع صحبه حلوه
وضحكه احلي في مجلس بيتنا القديم
وسيدي وستي حولينا
يحكو عن تراثنا العظيم
مره نقول ياسلام
ومره نعيد الذكريات
ومره نضحك ومره نبكي
ومره نقول ياريت اللي جري
يكون مات
ولايصحي فينا
انين جوانا فات
يالاه ياصحبه الهنا
علي الغيط باكر
نرسم امل في خضره
نادره في البساطه وقلوبنا
فل وياسمين
نقول يامين طمنا عن حد غاب عنا
ولكن روحه ساكنه جوه الشوء والحنين
ياه علي الحب لم ينزرع من سنين
يمليء حياتنا فرح ويسعد القلب الحزين
جوه بيتنا الراحه والأمان والقلوب الدفينين
تطبطب وتحبحب علي الضعف والمساكين
وتزور وتود كل القلوب التعبانين
وتغني وتضحك في وش
الحب اللي مليان انين
ونقول يامين يطفي شوء
السهارة السرحانين
نقول ونحكي عن الناس الحلوه الطيبين
كان جوه بيتنا الناس البسيطه المصلين
علي سنه نبينا وقرآن ربي الكريم
نصوم ونركع ونرجع نقول موال
عن سيدنا النبي الأصيل والجميل
ومين يرد الجميل لناس جوه قلوبنا بذكر
الله والنبي العظيم
فات ايام العز مع سيدي وستي
وماتو وراحوا تحت التراب
وخدو معاهم الدفا والحنين
واقول دلوقتي يامين يرجعلي
منهم طيبه الناس الطيبين
وبركه البيت الحكيم
ولمه العليه وسط لقمه هنيه وكلمه طيبه
في الشوء والدفا كانو ناس مخلصين
مفيش غدر ولا خيانه دول كانو مفتحين
لدنيا فيها الأصول والعدل وفيها يتنصر المسكين
دلوقتي فيه الطعن من اقرب الناس
في اي وقت وحين
تتوقع طعنة سكين من اي غالي او رخيص
يارب سلم ياميغث
يارب نجي من المخيف
يارب سلم يامغيث
يارب سلم من المخيف
وهاتها جمايل يالطيف
بقلم الشاعره رشا الجندي
تعليقات
إرسال تعليق