يكتب الشاعر /زين الحصري

.....جوا برواز العينين.....

لما كانت تحضنى فى ثوانى الحزن كان يغيب

عمرى ما توقعت أنها

في يوم تقولى هسيب

كنت فاكر أننا روح واحدة ساكنة ف جسدين

وصورتنا بس لوحدنا جوا برواز العينين

كنت بحلم بالسعادة ف باقى عمرى وأنتي جنبى

والظروف ضدى وضدك معرفش ذنبك ولا ذنبي

هى لية الدنيا ظالمة وأحنا طالبين السلام

هو لية البعد قاسي وبيمنعنا م الكلام

مش كفاية علينا غربتنا وسط الناس

مش كفاية دا قلوبنا قطعة ماس

لية بنحرم نفسنا من لحظات الهنا

لية بنعند لجل نسبت مين أنتى ومين أنا

لية بنبعد وأحنا بنحتضر وبعلمنا

هى قلة عقل منا ولا كل الناس زينا

بس أكيد السبب في بعدنا عن ربنا

..... زين الحصرى .....