يكتب الشاعر مهدي الشندي
علي إيه.........................
علي إيه تشكرني وتودعني
علي إيه بدموعك تخدعني
قلبك ما بقي يسعني
علي إيه
علي إيه كتر بعادك عني
تتسبب في حاجات تزعلني
الآخر راجع تودعني
علي إيه
ماكفاك بعادك عمر بحاله
ولا الغربه غيرت حاله
تتركني لحالي اتألم
تيجي تعاتب وتتكلم
اخرتها ايه غير وداع
لم أنت قلبك مش لنا
كان ليه بحبك عشمتنا
بتجرح كتير
كنت لم احايل
تقول كتر جمايلك
أنا تركك تمشي براحتك
واخد الدنيا بطولها واعارضك
تقول بتغير
قال يعني الغيره في حبك
في قاموسك دا حرام
توعد وتخلف دائما وعدك
أنت عارف إني بحبك
ليالي طوال
علي إيه تشكر فيه
كلام جميل معسول فيه
تراني أنا ماساكت مهاتيه
أنت ليه سايق الدلال
دوام الحال شيء صعب
والجمال إللي مايصونه
غير الوعد سهران بتألم
ولا أتكلم شهور وليالي طوال
علي إيه
العذاب في حبك غايه
تتلذذ وتعذب فيه
كل مره دائما حكايه
أنت مغرور بجمالك
ولا علشان كتر مالك
تشتري وتبيع فيه
بكره الأيام تتغير
لا بتترك كبير ولا صغير
بكره أكيد قلبك هيميل
وساعتها هقول لك وداع
ساعتها تفتكر من أشتري
مين ساعتها عذب قلبي وباع
روح الله يسامحك
عمري أنا ما هنسي جرحك
عمري ما هنسي طول الليل
علي إيه..................
..................................
مهدي الشندي مصر
تعليقات
إرسال تعليق